Hindi maintindihan ni Christine ang ibig ipakahulugan ng kaniyang ama. Ang alam niya ay namatay sa pagkalason ang kaniyang ina na aksidente nitong nainom ang insecticide.
Napa-iling na lang si Christine habang naglalakad papunta sa kaniyang kwarto para matulog.
“Hindi ko talaga maintindihan kahit anong pilit ko,” wika niya.
Habang papalapit sa kaniyang kwarto ay kung anu-ano na ang nasa isipan niya.
Sabay ng pagbukas ng pinto ay napabulalas siya.
“Hindi kaya kasama ko si mama nang mangyari iyon?!” aniya.
Napailing siyang muli sabay pasok sa loob at sara ng pinto. Napasandal pa siya sa pinto habang iniisip iyon.
“O baka ako ang iniisip ni papa na naglagay ng insecticide?” tanong niya sa sarili.
Hindi makapaniwala si Christine sa kaniyang naisip na hinala.
“Kay Aerielle at ngayon na
