AWTOMATIKONG huminto ang mga paa ni Ara pagkapasok niya sa sariling silid matapos mapako ang mga mata sa upuang nasa gitna ng silid—ang loveseat na design ni Zeph!
“D-Daisy?” tawag niya sa kapatid na kasama niyang natutulog sa silid na iyon. “Daisy!”
Walang sagot mula sa banyo. Nasaan ang kapatid niyang iyon? “Nay? Tay?” nagmamadaling lumabas siya ng silid at hinanap ang mga kasama niya pero walang sagot.
Pasado alas sais na ng hapon, saan naman pupunta ang mga iyon? Nilibot ni Ara ang buong bahay pero wala siyang kasama. Lumabas siya—at naabutan niyang nakaupo sa swing sa side ng bahay nila si Daisy at mukhang may ka-phone pal na naman. Masayang nakikipag-usap ito sa kung sinumang pilato na iyon na nasa kabilang linya.
“Daisy!”
Bigla
