"Hindi ba sinabi ko sa 'yo uuwi ako," Kunot ang noong sagot niya.
Kung kanina kinikilig ako nang sinabi niya 'yon, ngayon nabubwiset na 'ko. May gana pa talaga siyang sumunod sa akin pagkatapos kong malaman na fake news pala 'yong dinner with the colleague na sinasabi niya.
Wala rin siyang pinagkaiba kay Charles. They're both liars!
"Umuwi ka sa condo mo." Inirapan ko siya sabay hinawakan ang pinto para isarado.
Pero kaagad hinarang ni Gunter ang sarili saka sapilitang pumasok sa unit ko.
Napaatras ako at pinanlakihan siya ng mga mata. "Ano ba! Umalis ka na nga!"
"Hindi." Mariing sinabi niya habang naniningkit ang mga mata.
"Ayaw mo, ah?" Tinalikuran ko siya at malalaki ang hakbang na naglakad papunta sa living area.
Dinampot ang telephone. Hindi pa ako natatapos i-dial ang num
