GWEN’S POV
Pasado alas dyes na ng gabi ako nakauwi ng bahay kagabi dahil naging abala ako sa paggawa ng aming thesis. Hindi ko na nagawang hawakan ang aking cellphone dahil sa sobrang pagod. Simula noong linggo ay halos wala akong pahinga dahil sa dami ng aking ginagawa para sa school. Idagdag pa na tutulungan ko pa bukas si Dan sa gawain sa USG, hindi pa nito masyadong alam ang mga dapat gawin at kailangan ko pa itong turuan kaya minamadali ko na ang lahat ng aking mga dapat tapusin ngayong gabi upang kahit papaano ay makapagpahinga naman ako, tatlong araw na rin akong walang update sa kwento ko.
Pagbaba ko pa lang ng kotse ay hindi ko inaasahang sasalubungin ako ng yakap ni Professor. Sobrang higpit ng kanyang pagkakayakap pero hindi naman nakakasakal. Limang araw ko lang itong hindi
