GWEN’S POV
Mahigit kalahating oras lang din naman ang aming tinagal sa USG quarters upang matapos ang dapat nilang gawin. Mabuti na lang ay kasama namin ang iba pang mga members kaya naging mabilis ang aming trabaho.
“Maraming salamat ulit, Gwen sa pagtulong sa amin. Alam kong abala ka rin ngayon kaya ako naman ang babawi kapalit ng pagtulong mo sa amin,” sabi nito.
“It’s fine pero baka sa susunod hindi na kita matulungan alam mo na baka wala ako rito sa school. Malapit na ang OJT namin kaya itinuro ko na sa inyo ang lahat ng dapat niyong gawin,” sagot ko naman habang inaayos ang aking mga gamit. Una nang nagpaalam ang iba naming mga kasama.
“Kapag nagkaroon ka ng free time, gusto kitang i-treat. Gusto mo bang ihatid na kita sa bahay ninyo? Gabi na, baka wala ka ng masakyan.”
“Hu
