GWEN’S POV
Ilang oras na ang nakakalipas buhat nang sabihin sa akin ni Professor na buntis ako pero hanggang ngayon ay hindi pa rin ako makapaniwala. Nang magising ako kanina ay nagsagawa pa ng ilan pang pagsusuri ang mga doktor bago nila akong tuluyang hayaang makauwi. Hindi magkamayaw sa pag-alalay sa akin ang aking mga magulang pati na rin si Tita Catalina na ngayon ay pinipilit na sanayin na Mama na ang itawag ko sa kanya. Kahit si Professor Kian ay parang naging sobrang OA na halos buhatin na lamang ako paakyat sa aming kwarto mabuti na lamang ay sinuway ito nina Mama. Ipinagluto ako ni Mama ng mainit na sabaw kahit na sinabi ko kaninang marami akong nakain sa party. Ikaw ba naman ang mag-isa sa private room habang nanonood ng mga nagsasaya sa labas tapos padadalhan ka pa ng napakar
