PROFESSOR KIAN'S POV
"Gwen, ayos ka lang " nag-aalalang tawag ko kay Gwen nang mapansing sapo nito ang kanyang noo habang pinipilit kumurap kurap. Napahigpit na rin ang kapit nito sa kanyang suot na coat.
Bago pa man ito makasagot sa aking tawag ay para itong naupos na kandila at tuluyang nawalan ng malay. Mabuti na lamang ay naging maagap ang aking kamay. Nabitawan ko ang mikroponong aking hawak at agad na ipinulupot ang aking kamay sa kanyang balakang upang ito'y masalo.
"Gwen, Gwen," tawag ko sa kanyang pangalan habang marahang tinatapik ang kanyang pisngi subalit hindi pa rin ito kumikilos.
"Anong nangyari sa kanya?" nag-aalala ring tanong ni Kuya Xander.
"Dalhin mo na sa hospital, Jasper. Namumutla ang mukha niya, hurry. Ako na ang bahala rito," sabi ni Kuya Onyx. Tinulungan ak
