GWEN’S POV
Inihatid pa niya ako ng tingin habang pilit na pinapaalis ang mga estudyanteng nagkalat at nakikiusyoso sa paligid. Hindi lang ito ang nag-iba ng pakikitungo sa akin dahil maging ang iba pang guro, staff gaya ng utility personnel at clerks ay ganoon din.
Tahimik akong naupo sa aking pwesto at ipinagpatuloy ang pakikinig ng tugtog habang wala pa ang guro. Nang dumating ang aming guro para sa pangalawang asignatura ay muli akong nakinig. Tila nakaramdam naman ang aking mga kaklase lalong lalo na si Steph nang mapansin nito ang kakaibang pakikitungo sa akin ng aming guro.
“Wow, ambilis naman magbago ng ihip ng hangin. Imagine, nag-iba na kaagad ang treatment sa kanya kahit na may nagawa siyang kasalanan,” malakas na sabi ni Steph.
“Girl, I saw her Dad kanina papuntang Dean’s
