PROFESSOR KIAN’S POV
Sa kagustuhan kong malayo sa magulong paligid ng siyudad si Gwen ay nagdesisyon akong dalhin muna si Gwen sa Hacienda De Silva sa bayan ng Monte Cielo kung saan ekta-ektaryang lupa ang pag-aari ng pamilya ni Mama. Sariwa ang hangin, tahimik at malayo sa maingay at magulong siyudad. Hindi na rin kumontra pa ang kanyang ama dahil sa alam nitong makakatulong iyon upang mabawasan ang stress at makalimot si Gwen lalo na at nagdadalang tao ito.
Mabuti na lamang at bumalik na si Jet mula sa matagal na pagtatago kung kaya ito na rin ang nag-asikaso ng aming negosyo.
Sa loob ng dalawang linggo na pananatili sa bayan ng Monte Cielo ay nakita ko kung gaano kabilis na bumalik ang sigla ni Gwen lalo na nang ibalita ko sa kanya na wala na siyang dapat pang ipag-alala pa dahil
