"Anong nangyari sa kotse mo, iha?" tanong sa akin ni manang Palomena nang dumating ako sa bahay.
Sinilip ko ulit ang likuran ng aking audi. Nakita ko nga na malaki ang pinsala ng likod nito. Malaki-laki siguro ang magagastos dito. Tsk!
"Aksidente po, Manang," sambit ko sa mababang tono.
"E may masakit ba saiyo?" nag-aalala niyang tanong.
"Wala naman po, medyo sumakit lang po ang batok ko."
"Sandali at ipagtitimpla kita ng tsaa at nang gumaan iyang pakiramdam mo. Ikukuha na rin kita ng yelo pambabad dyan sa batok mo," malambing niyang wika.
"Salamat po, manang Palomena."
Nagtungo ako sa may gilid ng puno malapit sa may swimming pool. May duyan doon, kaya naman ng aking makita iyon ay agad akong humiga.
Habang nakahiga ay napaisip ako, biglang naisip ko si Harvey. Bakit buhay si Har
