Naalala ko noong nililigawan ko pa lamang si Karina. Oo, nililigawan ko na kahit na kaka-break pa lang nila noon. Ganoon ako kadesperado, ganoon ako kabaliw sa kan'ya. Gusto kong ipakita sa kan'ya na may karamay siya, kaya kahit malayo ang bahay nila ay palagi akong napunta sa kanila.
Palagi kong sinasabi na may nilakad ako sa malapit at dumiretso lamang sa kanila na agad niya namang pinaniniwalaan.
Tandang-tanda ko pa noon, dumaan ako sa petshop upang maghanap ng cute na aso na p'wede kong ibigay kay Rina. Gusto kong tuluyan niyang makalimutan ang kan'yang ex kaya naman gagawin ko ang lahat mapasa akin lamang siya.
Siguro ganoon talaga kapag may mahal ka, lahat ay gagawin mo, mahalin ka lang niya kahit pa may maapakan kang iba. Kasalanan niya, sinaktan niya na. Kaya ngayon ay ako nama
