Ito na ang ikalawang araw na magkasama kami sa bahay ni Kyle. Hindi ko tuloy maiwasang isipin na parang asawa ko na siya dahil nakatira na kami sa iisang bubong.
Madilim na ang kalangitan at napalilibutan na ito ng mga nagkikinangang bituin at ng mahiwagang buwan na napakaganda ng liwanag ngayon. Napapangiti tuloy ako sa tuwing nasisilayan ko ito.
"Ang ganda, ano?" aniya habang papalapit sa akin, suot-suot ang kulay pulang bestida.
Tila natulala ako at hindi ko maialis ang aking mga mata sa kaniya. Bagay na bagay ang red dress sa maputi niyang balat. Kulot din ang dulo ng lagpas sa balikat niyang buhok at napansin ko na naglagay siya ng katamtamang pampapula ng labi.
Hindi ko maiwasang humanga sapagkat ngayon ko lamang siya nakitang ganoon. Nasanay na kasi ako sa kulay puting pampas
