“Ipaliwanag mo ng mabuti ang ugnayan niyo ni Tongtong, Vekvek,” wika ni Jen.
Tumingin si Vekvek kay Tongtong ngunit nag aapoy na galit sa mga mata ang sinalubong ni Vekvek. Ngunit hindi siya nagpatinag.
“Siya lang naman ang lalaking pinalaban ko sa pamilya ko. Ang lalaking pinapalit ko sa mas maganda sanang kinabukasan ngunit dahil bata pa ako ay naging mapusok ako sa pagdedesisyon at naniwala sa pagmamahalan naming dalawa,” ang panimulang kwento ni Vekvek.
“Naalala ko nga dati na halos wala kaming makain na dalawa. Nakatira kami sa masikip at tagpi-tagping bahay na inuupahan pa namin. Walang trabaho si Tongtong dahil masyado siyang mareklamo sa lahat ng mga napapasukan niya. Hindi siya nagtatagal ng isang buwan bagkus ilang araw lang o kaya ay isang linggo dahil lang sa may nauna na si
