Chapter 24
“Anong nangyayari?” tanong ni Kena ng makapasok sa loob ng bahay ni Jen dahil naabutan na nakatipon ang lahat ng mga kasambahay at kinakausap ng kanyang kaibigan si Jen. Nabenta na ni Kena ang bracelet na kinuha sa jewelry box ni Jen at naibayad na sa kanyang utang. Hindi umabot ng fifty million ngunit ang mahalaga ay nakabawas na siya. Hindi na sana siya babalik sa bahay ni Jen ngunit naisip niyang wala talaga siyang pagkukuhanan pa ng kakulangan para sa kanyang mga utang kaya naman bumalik siya para muling subukan na kumuha pa ng ibang mamahaling alahas ng kaibigan.
“Ma’am, hindi naman po kami umaakyat sa pangalawang palapag. At saka, nakasisiguro po ako na wala po sa amin ang kumuha ng nawawala niyong alahas,” sagot ni Manang mayordoma ni Jen dahil sa nawawal niyang bracele
