Chapter 25
“Tingnan lang natin kung hindi ka pa malayas sa bahay na itong pangit ka?” nakangisi pang sabi sa isip ni Kena habang dahan-dahan na pumasok sa maliit na bodega na siyang nagsisilbing silid ni Vekvek.
“Paano nakakatulog dito ang babaeng yon?” sabay takip pa ni Kena sa kanyang ilong ng makapasok sa loob ng bodega at saka mabilis na naghanap kung saan niya itatago ang kanyang mamahaling relo.
Mabilis na isiniksik ni Kena ang relo sa ilalim ng unan ni Vekvek.
“Makakaganti na rin ako sayong pangit ka. At ako mismo ang kakaladkad sayo palabas ng bahay na ito,” ani pa ni Kena at saka na maingat na lumabas ng bodega.
Nakita niyang abala na naman sa paghahalaman si Vekvek kaya niya sinamantala ang pagkakataon na gawan ito ng masama para mapalayas na sa bahay ng kanyang kaibigan.
