MAKALIPAS ANG MARAMING BUWAN.
Abalang-abala ang lahat. Ngayong araw daw uuwi ang anak nila Ma'am Elisha na si Sir Alexander.
Kaya naman halos hindi na kami magka-usap-usap na mga kasambahay at kaniya-kaniyang ginagawa.
Bigla akong napalingon ng bumukas ang pintuan.
"Are you done?" Naka-krus ang magkabilaang braso nito sa dibdib nito.
"Patapos na po, Senorita Danila." Pinunasan ko ang pawis sa noo ko.
Matagal-tagal na rin ako sa mga ito at nakukuha ko na rin ang ibig sabihin ng pananalita nila gamit ang lengguwaheng English.
"Okay. Pagkatapos mo riyan, isunod mo ang kuwarto ko." At saka ito tumalikod.
Hindi na nito hinintay pa ang sagot ko. Isang mahabang buntong hininga ang nabitiwan ko.
Nilibot ko ang paningin. Malinis na ang kuwarto ni Sir Alexander. Pinalitan ko na rin ang ku
