Nanginginig ang kamay ko habang hawak-hawak ang cellphone. Ilang beses akong napalunok.
"Eeheemm!" Pilit na inaalis ang bara sa lalamunan.
Hindi maaaring pumiyok ang boses ko. Isang mahaba at mabigat na buntong hininga ang pinakawalan ko bago sagutin ang tawag ng nobyo.
"Oh, baby.."
Ngumiti ako rito. Kahit ang totoo gusto kong bumunghalit ng iyak.
"May ginagawa ka ba? Nakaistorbo ba ako?" Nakangiti ito ng ubod tamis.
Nahirapan akong lumunok sa pinipigilang emosyon.
Akala kasi nito nag-aaral pa ako. Wala itong kaalam-alam na simula ng umalis ito hindi na rin ako pinapasok pa sa University.
"Katatapos ko lang mag-review," pagsisinungaling ko.
Tumango-tango naman ito.
Bigla akong kinabahan ng mapakunot ang noo nito at mapatitig ng mariin sa akin.
"Bakit?" tanong ko.
"What happened
