“ATE HEEJHEA, naging malapit po ba kayo sa dating asawa ni Chance?” Hindi na napigilang itanong ni Ariyah Lynn sa babae.
Nasa kusina sila at kumakain sa dala nitong chocolate cake. Paborito talaga nito ang chocolate cake.
Si ate Pilar naman ay inaayos ang mga gamit nito roon sa magiging kuwarto nito. Mabait ang babae at nasa early 30’s na ang edad nito.
“Medyo. Bakit?” balik nitong tanong sa kaniya.
“Uhm, m-may kapatid ba siya?”
Kumunot ang noo nito. Tila inaalala kung may kapatid ba si Erin.
“Sa pagkakaalam ko ulila na siya sa mga magulang. Pero may pamilya siya rito sa Maynila. Doon siya nakatira bago pa man sila ikinasal ni kuya—” natigil ito sa pagsasalita at nakita niya sa mga mata nito ang pag-aalala. “Pasensya na, okay lang ba sa ‘yo kung…”
“Okay lang, Ate Jhea. Gusto ko ri
