MATAPOS ang civil wedding nila ni Sir Chance ay dumeretso sila rito sa Isla Reta Hotel para sa kaunting salo-salo. Kasama pa rin sina ate Carla, kuya Derick, ate Thea, Doc Lawrence at ang mga bata. Pero nang makatanggap nang tawag si Doc Lawrence mula kay ate Rachell na may pasyenteng biglang isinugod sa clinic nito at kailangan ito ay kaagad itong nagpaalam sa kanila ni Sir Chance. Isinama na rin nito sina ate Thea at ang kambal ng mga ito. Hindi rin nagtagal matapos nagpaalam sina ate Thea ay nagpaalam na rin sina ate Carla at kuya Derick na uuwi na rin ang mga ito. “Wait, De, magbabanyo muna ako sandali,” ani ate Carla kay kuya Derick. “Okay. Hihintayin ka na lang namin ni Cede rito.” Tumango si ate Carla saka binalingan siya nang tingin nito. “Gusto mo bang sumama sa akin, Lyn?”