NAKABUNTOT lang si Ariyah Lynn habang naglalakad si Sir Chance papasok ng bahay nito. Maliit lang ang bahay. May dalawang bedroom, maliit na sala at kitchen. Perfect para sa isang nagsisimula pa lang na pamilya.
Pamilya…
Ang gandang pakinggan kung ikinasal sila ni Chance na hindi pilit at nagmamahalan talaga sila. Na bubuo talaga sila ng pamilya.
“M-Manong…” tawag niya rito nang makita niyang papasok na ito sa kuwarto. Tumigil ito pero hindi man lang siya nilingon. “Puwede ba tayong mag-usap?” mabilis niyang tanong.
Pero imbis na sagutin siya nito ay itinuloy pa rin nito ang pagpasok sa kuwarto na para bang hindi siya nito narinig o nakita. Iniwan naman nitong bukas ang pintuan kaya sumunod siya rito sa pagpasok.
Naabutan naman niya itong naghuhubad ng jacket. Itinapon lang din nito i
