HINDI nakatulog ng maayos si Ariyah nang gabing ‘yon dahil sa nalaman niyang may unang asawa pala si Chance. Namatay ang asawa nito kasama ang anak ng mga ito. Pero bakit? Anong dahilan ng pagkamatay ng mga ito? Nagkasakit ba?
Kaya ba napakabugnutin nito at tila pasan ang buong mundo?
Kagabi pa siya binabagabag ng mga katanungang iyon. Hindi na kasi niya iyon natanong pa kay ate Heejhea dahil dumating ang asawa nito para sunduin ito.
Hindi nga niya mapaniwalaan na nakadaupang palad niya ang isa sa miyembro ng pamilyang hinahangaan ng kaniyang ama.
Paglabas niya nang kaniyang kuwarto ay napatingin siya sa nakasaradong pinto ng kuwarto ni Chance. Nakapasok na siya sa kuwarto nito pero bakit wala man lang siyang nakitang litrato ng asawa nito, kung totoo man na hindi pa ito naka-move on
