“Nasabi sa akin ni Nana Mila na na-kidnap ako kaya nangyayari ito sa akin. Pero sinabi niya na naparusahan na rin daw ang mga gumawa n’yon sa akin. Pero bakit may gusto pa ring pumatay sa akin? May nagawa ba akong mali sa kanila? Masama ba akong tao, Chance?"
Sa totoo lang litong-lito na siya. Hindi na niya alam kung ano ang iisipin sa sarili. Bakit gusto siyang patayin kung sa mga nakalipas na limang taon ay nasa bahay lang siya ni Adrian? Wala siyang inaagrabyadong tao.
“No, baby, you’re not a bad person. Biktima ka lang din ng mga taong sakim.”
“Anong ibig mong sabihin?”
“Baby…” kinuha nito ang isa pa niyang kamay at marahang pinisil. “Ang sabi ng doctor, hintayin na kusang bumalik ang mga alaala mo—”
“At sa tingin mo kaya ko pang hintayin iyon?” putol niya sa sasabihin pa nito. “K
