Maganda ang pakikitungo sa kanya at alaga siya ng may edad na katulong na si Manang Sonia ngunit ang ibang katulong na sina Lily at Joanna ay parang ang baba ng tingin sa kanya bilang asawa ng kanilang amo, halata sa mga tingin ng mga ito sa kanya.
Simple lang kasi siya at di maarti. Siguro kung alam lang ng kanyang kambal na si Donnah na sobrang yaman pala ng kasintahan nitong si John Halden at siya ang nasa sitwasyon niya ngayon ay pormang porma na yun dahil maarti iyon kaysa sa kanya.
Pagkatapos ng pamamasyal niya sa labas ay ipinaghanda siya ni Manang Sonia ng pagkain para sa kanyang lunch – mainit na caldereta, inihaw na karneng baboy at ginisang petsay with karne na paborito niya. Nakaupo na siya sa maliit na mesa sa kusina at nagsisimula nang kumain nang biglang marinig ang pagda
