DALAWANG araw na ang lumipas mula nang makauwi sila galing sa resort na pinagdausan ng birthday party ni Precila. Pilit niyang iniwasan si Zac. Hindi niya pa rin lubos maisip na muntik na niyang isuko ang 'bataan' dito. Hindi naman iyon masyadong ipinagtaka nito dahil madalas itong busy sa trabaho at kapag umuuwi naman ito ay sinisigurado niyang nasa loob na siya ng kuwarto. Matapos matanaw ang papalayong sasakyan nito mula sa bintana ng kanyang kuwarto ay saka lamang siya bumaba. Tinungo niya ang kusina at nag timpla ng gatas. Kumuha rin siya ng ilang pirasong slice ng tinapay. Ang plano niya ay tapusin ng maaga ang mga gawaing bahay, dahil kung minsan ay maaga itong umuuwi. Hanggang kailan mo naman siya balak na iwasan? singit ng kabilang bahagi ng utak niya. Ang totoo ay hindi niya alam
