Matapos magpaliwanag ng doktor ay nagpaalam na ito.
Laking gulat niya nang hawakan ng mariin ni Zac ang magkabilang balikat niya. Bumabaon ang mga kuko nito na nagdudulot ng kirot sa kanya.
"Ano ba Zac? Nasasaktan ako!" daing niya.
"This is all your fault!" nagtatagis ang mga bagang na sabi nito.
Nanlilisik ang mga mata na animo'y anumang oras ay magbubuga ito ng apoy.
"A-ano bang sinasabi mo?" nakangiwing tanong niya.
"I'm sure you put peanuts in one of the dishes," mariing sabi nito. Tila siya na bingi sa sinabi nito.
"Wala kang karapatan na pagbintangan ako ng ganyan dahil hindi ako tanga para gawin iyon," maluha-luha niyang sabi. Lalo pang dumiin ang mga daliri nito. Tila may patalim na tumusok sa dibdib niya ang mga sinabi nito.
"You always made mistakes!" sigaw nito.
