Naalimpungatan siya nang marinig ang tunog ng alarm ng cellphone. Pikit matang kinapa niya ang ilalim ng unan. Nang makuha ang pakay ay idinilat ang isang mata para patayin ang alarm. Tinatamad pa siyang bumangon. Akmang babangon na siya nang may mabigat na brasong pumipigil sa kanya. Nang lingunin ang nagmamay-ari niyon ay nanlaki ang kanyang mga mata. Anong ginagawa ng mokong na ito dito? Nagising ang utak niya nang maalala ang nangyari kagabi. Napangiti siya. Hindi pala iyon panaginip. Dahan-dahan niyang inangat ang braso nitong nakapatong sa tiyan niya. Tuluyan na niyang maaalis iyon ngunit muling yumakap na naman sa tiyan niya. Humigpit pa iyon kasabay ng mahinang ungol nito. Kahit tulog ay napaka-possessive nito. Naghintay pa siya ng ilang minuto bago muling nagtangkang alisin ang b
