Matapos ang insidente sa labas ng Coffee shop ay hindi na muna siya pinayagan ni Rick na pumasok. Naiintindihan naman niya ito. Inaalala lamang nito ang kapakanan niya. Inabala na muna niya ang sarili sa paggawa ng mga gawaing bahay. Nang matapos ay naupo sa sala at piniling manuod ng palabas sa tv. Habang nag lilipat ng channel ay naagaw ang atensyon niya ng isang balita.
Tungkol kay Zac ang balita. Ang nakalagay sa caption ay may iba umanong babae ito. Ipinakita ang ilang kuha kung saan ay may kahalikan ito. Ayon sa report ay may kinikita daw itong babae. Pinagmasdan niyang mabuti ang kuha sa litrato na naka-flash sa screen. Kahit hindi gaanong malinaw ay may hinala na siya. Base sa mahaba at unat na unat na buhok--si Katy! Bigla siyang nakaramdam ng paninikip ng dibdib. Wala sa sarilin
