DIANA POINT OF VIEW
"Sorry po at ngayon lang kami nakadalaw," bulong ko habang naglalapag ng bulaklak.
"Daddy, lolo ko po 'yan saka lola?" tanong ng anak namin pagkatapos nilang magsindi ng kandila.
Tahimik pa rin si Phillip. Pinilit ko lang 'yan na pumunta dito dahil ayaw niya talaga. Na para bang kay Tita naman siya ngayon nagtatampo.
"Hindi pa rin malinaw sa akin ang lahat. Kung bakit niya 'yon nagawa." Nagsalita na siya. Bumaling ako ng tingin sa kanya na nakasandal sa isang nitso.
"Siguradong may dahilan siya. Hindi natin 'yon alam pero sure akong meron." Pagpapalakas ko ng loob niya. "'Wag ka munang maniwala sa sinabi ng matandang 'yon. Hindi natin alam kung ano ang totoong namagitan sa papa at mommy mo. Malay mo, sila talaga ang totoong nagmamahalan."
"Pero hindi mababago no
