DIANA POINT OF VIEW
Mahigpit kong hinawakan ang kamay niya bago pumasok sa hospital kung saan ko pinanganak si Philie.
"Hi, good morning, pwede ba kong humingi ng records noong araw na 'to?" mabait kong tanong sa clerk.
"Matagal na po pala 'to, ma'am. Doon na lang po kayo sa medical records namin pumunta. Diyan lang po 'yon sa paglampas ng rampa," alangan niyang sagot habang nakaturo.
"Salamat," sagot ko sabay sulyap kay Phillip na tahimik pa rin.
"Ito rin 'yung suot mo doon sa picture niyo." Turo niyang saad nang may dumaang pasyente sa amin.
Pagdating namin sa records nila, dismayado rin kaming dalawa pagkatapos. Record lang ni Philie ang binigay ng hospital sa amin. Nagtatanong kami ng tungkol kay Margaret pero ayaw nilang magbigay ng information.
"See? At least ngayon alam na
