"Sasama ako kay Mommy ngayon," masayang balita ni Steffany sa kaibigan nang makita niya ito sa likod ng bahay. Nakaupo ulit si Edna sa malaking ugat ng punong mangga.
Lumingon sa kanya si Edna. "Doon sa mansyon?" at nakangiting tanong nito.
"Oo, kasi mamalengke si Ate Hanna. Wala akong kasama rito sa bahay. Gusto mong sumama?"
Umiling si Edna. "Sige kayo na lang. Antay na lang ako rito."
She pouted. "Gusto mo iwan ko sa'yo si Raj? Para may kalaro ka? Puwede mo siyang iuwi tapos ibalik mo na lang siya bukas."
Ngunit tinanggihan iyon ni Edna. "Sa'yo na si Raj, Steff. Sa'yo ko na pinagkakatiwala ang aking manika.. balang araw matutulongan ka niya!" at sa loob-loob nito na natitig sa kaibigan. "Sige dalhin mo na siya. Okay lang ako rito. Huwag mong bibitawan si Raj, ha? Huwag mong ibibiga
