18

1466 Words

قبل اي حاجه خالص انا جاي اعتذر عن اللي حصل مني والله العظيم انا اسف لحضرتك و مستعد اتجوزها انهارده قبل بكره كمان بس والله العظيم انا بحبها و ارجوك سامحني رد رأفت و قال ، يعني انت عارف أن اللي انت عملته ده غلط و غلط كبير كمان رد عمر و قال ، اه والله العظيم انا غلطان و اسف كمان عن اللي حصل ده وارجوك وافق أننا نتجوز اقسم بالله انا بعشقها رد رأفت وقال ، يا عم احترم انك بتكلم ابوها رد عمر و قال ، انا اسف والله كمان مره بس خلاص موافق صح رد رأفت وقال ، ماشي يا دكتور عمر بس هتعمل ايه بالنسبه لأهلك رد عمر و قال ، متقلقش حضرتك انا سافرت امريكا و اشتغلت هناك عشان اصرف ع نفسي في الجامعه لحد ما اتخرجت و مردتش اخد حاجه من حد كان ممكن اخد منهم بس انا بحب الحاجه اللي بتعب فيها بحس بقيمتها فهمتني رد رأفت وقال ، انا اقصد انك هتقول ليهم ايه ع موضوع الجواز هل هيرضوا انك تتجوز اللي اخوك كان متجوزها رد عمر و قال ، متقلقش بردك ماما اكيد هتوافق و اكيد يعني دي حياتي و انا حر فيها اتجوز اللي عايز اتجوزها دي حوريه رد رأفت وقال ، طب بالنسبه للسكن ازاي مراتك هتسكن مع اخوك و مع والدتك بعد ما كان جوزها اكيد يعني هيبقي احراج كبير لنور و انا مرضاش أن ده يحصل رد عمر و قال ، ايمن اخويا اخد من امي نص مليون جنيه من سبع سنين و هو اخدهم و جاب العياده بتاعته دي و امي يومها راحت حاطت في حسابي النص مليون التاني و اكيد يعني من سبع سنين يعني فاتهم ذادوا و اكيد هعرف اشترى بيهم شقه في كمان كويس كمان رد رأفت وقال له ، خلاص تمام على بركه الله نطمن على نور و اللي فيه الخير ربنا يقدمه رد عمر وقال ، باذن الله انا متشكر جدا لحضرتك و أن شاء الله هعوضها عن أي يوم شافته مع ايمن رد رأفت وقال ، طب انت مش زعلان انك هتتجوز واحده اخوك كان متجوزها و غير كده كمان انت صغير و من حقك تتجوز بنت لسه متجوزتش رد عمر و قال ، انا مش زعلان من حاجه خالص انا كنت خايف اصارح نور بمشاعرى وحاولت ابعد نفسي عنها بس اما لقيت اخويا رافضها خالص و هي رفضاه انا قررت اصارحها و بعدين انا استغربت أما صارحتها اخويا بدأ يتكلم أنه عايز يرجعلها و بدأ يكلمها و كده انا يومها حسيت بتأنيب ضمير بس الصور اللي كانت وصلتلكم دي حد صورهالنا و اتبعتت من رقمي اتأكدت أن رقمي للاسف اخويا هاكر حساب الواتس بتاعي و بيتجسس عليه و أما عرف اني بحب نور حلت في عينيه و أما عاز ينتقم كلم الولد اللي كان معانا في الرحله يصورنا و بعت الصور لايمن و ايمن بعتهم لحضرتك أما اخ يعمل كده في اخوه ده ينفع يصعب عليه و تاني حاجه حكايه بنت و مش بنت انا دكتور تخصص نسا وولاده و للأسف الشديد انا بنات كتير بيجو يكلموني اعملهم عمليات عشان ينفع يتجوزوا و ميتفضحوش فأنا اصلا معدتش بقتنع بالموضوع ده اهم حاجه عندي اخلاق اللي قدامي و أسلوبها حتي لو متجوزه عشر مرات و عندها خمسين عيل وصلت لحضرتك الفكره رد رأفت وقال ، وصلت يابني على بركه الله ربنا يتمم ليكم بخير يارب رد عمر و قال ، تمام ممكن انزل ادخلها اشوفها رد رأفت وقال ، لا تعالي نزلني الاول اطمن عليها و ندخل احنا الاتنين عليها عشان تطمن و نفسيتها تتعدل رد عمر و قال ، تمام ياللا بينا و سند رأفت و نزلو لنور ماجده ، يا نها مقولتليش الشاب ابو عنين زرقا ده اللي كان هنا ده يبقي مين و كان بيعيط ليه كده نها ردت وقالت ،، ده ده و فجأه شافت عمر بيسند رأفت و ماشيين يهزروا و بيضحكوا ردت عليها وقالت ده يبقي عريس نور متقدملها من فتره و نسيت اقولك يا ماجده ماجده ردت عليها وقالت ، اخص عليكي يا نها انتي خايفه تقوليلي صح قولي كده ردت نها و قالت ، والله ابدا كل الحكايه أن رأفت مكنش موافق و عمر أصر عليها و اهو زي مانتي شايفه اهو جاي مع رأفت شكله وافق ردت ماجده و قالت ، ماشاء الله الشاب زى القمر بس سبحان الله من غير ما تزعلي مني يعني فيه شبه كبير من ايمن اللي كانت متجوزاه نها ردت و قالت ، امم حسيت بردك زيك ماهما اخوات بقا لازم يبقا فيه شبه ردت ماجده و قالت ، يا مصبتي اخو ايمن ازاي نها ردت عليها وقالت ، اهو رأفت كان معترض بسبب كده بس الشاب بيحبها و متمسك بيها هنعمل ايه يعني أصله كان بيشوفها كل يوم اصل دكتور في الجامعه اللي هي فيها ماجده ردت عليها وقالت ،. امم ربنا يتمم على خير يا رب نها ، اللهم امين رأفت ، انا داخل لنور انا وعمر يا نها هي فايقه نها ردت وقالت ، اه يا روحي فايقه رأفت ، ياللا بينا يا عمر ندخل جوه في غرفه نور دخلو و هي كانت سرحانه في اللي حصل رأفت ، ينفع كده اللي حصل ده يا نور يا حبيبتي هتسيبني لمين يا نور انا كنت هموت بسببك ينفع كده نور بصوت مخنوق ردت و قالت ، بابا الف سلامه عليك يا حبيبي و الله انا اسفه انا و لقت عمر جاي من ورا ابوها نور ، انت ايه اللي جابك هنا امشي من هنا و فضلت تصرخ بصوت عالي امشي من هنا و راحت شاده المحلول من أيدها و قامت واقفه ع الأرض تزق فيه و تصرخ جامد رأفت مسكها و قال ، اهدي يا نور اهدي ايدك الجرح هيتفتح تاني نور بدموع و شهقات متتاليه ، بابا خليه يخرج من هنا مش عايزه اشوفه عمر رد و قال ، نور والله العظيم انا مظلوم و الله مش نور قاطعته و قالت ، انا مش عايزه اسمع حاجه امشي مش عايزه اشوفك امشي بابا خليه يمشي و النبي يا بابا قوله يمشي نها دخلت هي و ماجده نها ، في ايه بتصوتي ليه يا نور في ايه عمر خرج من عندها و سابها و روح الفيلا /////////((/////////// في فيلا عمر عمر داخل الفيلا و طالع ايمان ، عمر تعالي هنا كلمني لو سمحت عمر رد عليها وقال ، ماما لو سمحتي ممكن تخلي الكلام الصبح عشان انا تعبان اوي ايمان ، انا بقولك تعالي هنا المفروض تيجي من غير نقاش عمر راح قعد جنبها وقال ، خير يا ماما ايمان ، ايه اللي انا سمعته و شفته ده عمر رد وقال ، ااه اكيد ايمن باشا قالك ايمان ، يا بجاحتك يا اخي انت مش م**وف من نفسك من اللي عملته انت و الست هانم اللي كانت عملالنا فيها شريفه و عفيفه عمر رد و قال ، ماما لو سمحتي متغلطيش فيها ايمان بكل قوتها وراحت ضاربه عمر بالقلم و قالت ، انت بتزعقلي يا عمر عشان البنت دي انت اتجننت ايمن دخل وقال ، سيبيه يا ماما ماهو خلاص بقا شايف نفسه علينا عمر بزعيق ، انت ايه يا اخي مبترحمش ليه بعت عيل صايع يصورني انا و هي و تسرق حسابي و تبعت الصور ع اني اللي بعتهم انت عارف البنت حصل ليها ايه بسببك ابوها جاله جالطه و هي انتحرت و ستر ربنا انها اتلحقت في اخر لحظه مفكرتش خالص اني سألتك و قولتلك انت عايز ترجع لها واللا لا وانت رفضت و قولت انك مش عايزها بس الاستاذ اخويا حبيبي جيبلي شريحه اول ماجيت مصر متهكره عشان يتجسس عليه و يعرف خط سيري و اول ما عرفت اني حبيت نور فضلت تتصل بيها كل دقيقه و حلت في عينيك و الشقه اللي كنت هشتريها اول ما جيت مصر قول لامك مين اللي راح و اشتراها بعد اللي حصل روحت أتأكد مين اللي اشتراها لقيت ايمن بيه اتجسس عليه وراح جرى يشتريها رساله الدكتوراه بتاعتي مين اللي اخدها و قطعها و رماها في الزباله و اضطريت اسهر تاني و اعمل كل حاجه من تاني و بردك كان كل حاجه بتروح و مكنتش عارف مين اللي بيدمرني من ورايا بس سبحان الله غبائك ف*ن عليك و اتأكدت انك ورا كل المصايب اللي كنت بشوفها من يوم ما جيت مصر بسبب الموبايل ده وراح رامي الموبايل في الأرض و بص لامه وقال شكرا اوي يا ماما على تعبك معايا بس خلاص انا مش عايز حد خالص لا انتي و لا انت و لا حتي نور انا هلم هدومي و قسما بالله أن رجعت هنا تاني ابقا استحق اللي بيحصلي و سابهم و طلع اوضته ايمان ، ليه كده يا ايمن ليه تعمل في اخوك كده انا معرفتش اربيكم انتو الاتنين كل واحد شايف نفسه و بس مفيش حد بيحب التاني طلعتوا لابوكو انا اللي ضيعتكم ياريتني كنت اخدتكم وسبت الدنيا قبل ما تشربوا منه انانيته لكن خلاص شربتو منه خلاص ربنا يسامحكم انا و سمعت صوت حاجه وقعت جامد فوق ايمن طلع جرى ووراه ايمان ع اوضه عمر ايمان بصريخ جااامد ، عمرررررر بكره بارت جديد انتظروني وياريت اعرف رايكم في التعليقات لانه يهمني جدا جدا و التفاعل ياريت يزيد عن كده بليز ساعدوني روايتي توصل للكل وقعت في عشق طليقه اخي للكاتبه اميره محمود البارت الثامن عشر

Free reading for new users

Scan code to download app

App Store Google Play

Facebookexpand_more