19

1019 Words

ليه يا بنتي عملتي معاه كده ده كان هيتجنن عليكي ليه كده نور ردت عليها وقالت ، ماما لو سمحتي ممكن بلاش تجيبي سيرته تاني لو سمحتي نها ردت عليها وقالت ، براحتك يا نور خلاص بس اهدي يا حبيبتي رأفت ، نها ممكن تسيبيني مع نور شويه ردت نها وقالت ، خلاص ماشي تعالي يا ماجده نخرج نتساير عما يخلصوا كلام رأفت راح قعد جنب نور ع السرير و اتن*د تنهيده طويله و قال ، عارفه يا نور زمان و انتي صغيره كنت مبرضاش اخرجك مع مامتك فرح او اي مناسبه كنت بخاف عليكي اوي يمكن عشان مشفتش في جمالك أو يمكن عشان انتي حته مني مش عارف بس كل اللي اعرفه اني كنت بخبيكي من كل حاجه و أما امك حملت تاني بعدك قولت لنفسي معقول احب اللي جاي ده زي نور حسيت أنه هيشاركك في حبي ليكي بقيت اقول لا مش عايزه يجي كفايه عليه نور حياتي الكل قالي متفولش ع البيبي احسن ينزل واللا يحصله حاجه جت امك في الشهر التامن ووخلاص كان علي معاد ولادتها شهر حست مفيش حركه في بطنها راحت تكشف لقت البيبي ميت و متحلل و اضطروا يشيلو الرحم مع البيبي قولت يمكن ربنا عمل كده من كلامي انا فولت ع ابني و زعلت جدا وقعدت ع الكرسي و امك في العمليات مخنوق و عنيا دمعت خالتك ماجده جت جنبي تقولي بتعيط دي الوقت مش كنت بتفول عليها اما البيبي راح جاي تعيط يا رأفت ربنا يسامحك في اللي كنت بتقوله شيلتني الذنب لحد ما انهارت و حسيت فعلا اني السبب في اللي حصل لامك و خلاص الدنيا اتقفلت في وشي لقيتك مسكتي أيدي و قولتيلي بابا انا مش عايزه البيبي ده عشان كان هيقعد يعيط زي ريماس جارتنا و انت هتفعد تتخانق مع ماما انا مش عايزاه انا عايزاك انت و ماما بس انا بحبكم اوي انتو الاتنين ومش عايزه البيبي يومها انا شيلتك و حضنتك و اخدتك و روحت جبتلك بيبسي و روحنا شربناها ع الكورنيش و مشينا نضحك و نهزر و بعدين روحنا لامك المستشفي كانت خرجت و اطمنا عليها و ارتحت أما اتكلمتي معايا صبرتيني يا نور انا مش هنكر قلبي كان محروق ع البيبي اللي نزل و محروق ع امك و انها مش هتخلف تاني بس انتي نستيني كل حاجه و انا حاولت اعوض امك عن طفل تاني و هي قدرت ده دي الوقت اما تعبت لقيتها هتموت عشاني و الحمد لله اهو انتي صبرتيني و انا صبرت امك ع البلاء اللي هي فيه و الحمد لله كل حاجه بقت كويسه و اتنست مع الوقت نور ردت و قالت له ، بابا انت مفيش حد زيك ابدا رد عليها وقال ، عشان انا ابوكي فانتي شيفاني كده نور ، لا والله يا بابا انت فعلا مفيش زيك رد رأفت وقال ، ربنا يخليكي ليا يا اجمل ما شافت عنيا نور بدموع ، بابا انت مسامحني رد رأفت وقال ، طبعا بس ليه طردتيه و حرجتيه قدامنا ردت و قالت ، عشان هو قاصد ي**رني و ياخد طار اخوه في اني سبته دول لاتنين شكلهم مجانين انا خلاص هفوق لدراستي وبس انا هنسا اللي حصل و هتلاشاه خالص من حياتي رد رأفت وقال لها ،. مش ممكن تكوني ظلماه ردت نور وقالت له ، لا يا بابا انا شفت الرقم اللي باعت الصور ده رقمه رد رأفت وقال لها ، بس هو بيقول أن اخوه كان هاكر الموبايل اللي كان معاه نور ، بابا انت هتصدق الكلام ده بردك دول كذابين المهم فكك منه احنا هنروح امتا هموت و انام ع سريري رد رأفت و قال ، خلاص يا حبيبتي أما تبقي كويسه هنمشي /////////////////////// خير يا دكتور عمر عامل ايه الدكتور ، هبوط في الدوره الدمويه و أن شاء الله ركبوله المحلول ده وهيبقي تمام بس محتاج تغذيه كويس عشان شكله متبرع بالدم ايمان ردت و قالت ، متبرع بالدم الدكتور ، ايوه عن اذنكم و الف سلامه عليه ايمن ، الله يسلمك يا دكتور متشكر لحضرتك جدا مع السلامه ايمان دخلت لعمر لقيته بياخد شنطته و خارج ايمان بلهفه ، انت رايح فين انت تعبان مينفعش تمشي و انت كده عمر رد و قال ، محدش ليه دعوه بيا كفايه اللي حصل اوى و اخد شنطته و خارج ايمن مسكه من أيده و قال ، انت رايح فين وانت كده عمر لف و بصله نظره كلها احتقار وقال ، انت بالذات تمسحني من حياتك و كفايه اوي لحد كده انت فاهم و راح شادد أيده من ايد ايمن و مشي عمر نزل وراح كلم السمسار اللي كان طالب منه الشقه اللي اخوه اشتراها يجبله واحده مفروشه و بسرعه وراح سحب الفلوس و راح اشترى شقه عجبته السمسار جبهاله عمر دخل اوضه النوم و نام ع السرير و بدأ يفكر في كل حاجه حواليه وقال لنفسه ، اعمل ايه دي الوقت خلاص نور معدتش عايزاني و امي و اخويا خسرتهم انا معدش ليه حد في البلد دي ارجع أمريكا تاني و اكمل دراستي هناك و اشتغل ع نفسي صح هناك و اللا اعمل ايه خلاص انا هستنا بعد ما السنه دي تخلص و ارجع تاني بس خايف لو شفت نور قلبي يوجعني خلاص انا هتجنبها و مش هعمل نفسي عارفها خالص لازم ابعد عن الكل انا كده كفايه اوي اللي حصلي معدتش هبقي قادر اتحمل وجع قلب تاني ///(//////////////// نورتي البيت يا حبيبتي انتي و ابوكي ربنا يخليكو دايما ليا و منورين حياتي يارب نور ردت عليها وقالت ، ربنا يخليكي يارب ليا يا ماما انا هدخل انام بقا عشان بجد هموت و افرد ضهرى ع السرير بتاعي رأفت ، ماشي يا حبيبتي بس متنسيش بقا أن امتحاناتك الاسبوع الجاي ننام بس نقوم نذاكر نور ردت عليه و قالت ، متخافش يا بابا مش هنسي المذاكره انا هنام عشان افوق للمذاكره و لحياتي اللي جايه أن شاء الله هغير كل حاجه للاحسن و بكره تشوفوا بعنيكم نها ردت عليها وقالت ، اامل هذا ياريت نور ، متخافيش يا ماما عن اذنك و دخلت اخدت شاور و صلت ركعتين لله و قفضلت ساجده تستغفر و قالت ، يارب سامحني انا أذنبت سامحني عشان نسيت نفسي و نسيت ديني نسيت الحلال ونسيت الحلال اهديني و اغفرلي يارب اهديني و اغفرلي يارب بكره بارت جديد انتظروني وياريت اعرف رايكم في التعليقات لانه يهمني جدا جدا جدا جدا و التفاعل ياريت يزيد عن كده بليز ساعدوني روايتي توصل للكل وقعت في عشق طليقه اخي للكاتبه اميره محمود البارت التاسع عشر

Free reading for new users

Scan code to download app

App Store Google Play

Facebookexpand_more