وقعت في عشق طليقه اخي

14

ايوه بقا اخيرا نزلتي يا انسه نور

بابتسامه رقيقه ردت وقالت اصلك وحشتيني يارؤى

رؤى ، والله بجد ردت نور وقالت ، امم طبعا انتي قلبي وروحي وانا مقدرش اسيبك لوحدك عمر بخبث قال ، يا بختك يا رؤى بجد

دكتور نادر ، دكتور عمر تعالي اقعد العب معانا الولاد دول علمو عليه جامد كل شويه الازازه تيجي عليه و يسألوني انا تعالي يا عم اقعد معايا جايز يحلو عن راسي و يسألوك انت عمر ضحك و مسك ايد نور و راح قعد معاهم

نور باحراج ، يا عمر مينفعش كده أيدي

عمر ، خلاص بقا يا نور اسف

الولاد حركوا الازازه لفوها جت قدام نور و أسر

أسر ، اظن ان المفروض انا اللي أسأل صح ردوا عليه بأيوه رد وقال تمام انسه نور او مدام نور انا ممكن أسألك انتي بتحبي جوزك اللي سبتيه و بتجرى ورا اخوه و اللا لا عايز اعرف بس

نور وشها احمر جامد بتبص لقت عمر قايم و شكله هيض*ب أسر مسكت أيده و قالت عمر لو سمحت اقعد هو سألني سؤال و انا هجاوب عليه بص يا أسر اولا انسه او مدام دي متخصكش انا اسمي نور و بس ثانيا انا مسبتش جوزي عشان اخوه لأن انا اتعرفت علي اخوه بعد ما أطلقت بمده طويله ثالثا انا لو كنت بحب جوزي مكنش يبقا اسمه طليقي رابعا انا مجرتش ورا اخوه زي ما تقول كده الصدفه امم فعلا الصدفه هي اللي عرف*ني علي اخو طليقي جالي يصالحني عليه و يرجعنا لبعض للاسف معرفش يحنن قلبي علي اخوه بالع** قلبي أعلن استسلامه لعشقه هو انا عارفه أنه غلط و عارفه أن هنقع في مشاكل كتير و عارفه أن ممكن منبقاش لبعض بس للاسف دي مشاعر يا استاذ أسر و غصب عني مش نافع اتحكم فيها بس تصدق انت فعلا فوقتني يا أسر لاني نسيت في لحظه أن عمر أو دكتور عمر يبقا اخو دكتور ايمن اللي كان جوزي شكرا يا أسر و جايه لسه تقوم عمر شدها و قعدها و قال بصوت عالي ، يا جماعه انا بحب نور و بعشقها و بموت فيها كمان و اول حاجه هعملها اول ما نرجع من بالسلامه هروح اطلب أيدها و اتجوزها عالطول و اخويا ربنا اكيد هيعوضه بس انا مش هسيبك يا نور و هفضل احبگ لاخر عمرى

كل اللي قاعدين سقفوا لعمر و نور

نور مقدرتش تمسك دموعها و قامت تجرى راحت وقفت قدام البحر تعيط بحرقه عمر قام جرى وراها و قال ، مالك يا نور كلام الوله الصايع ده أثر فيكي كده

نور لفت و بصتله وقالت ، عمر ابعد عني احنا مينفعش نكمل صدقني مينفعش عمر بكل برود مسح دموعها بايده و قال ، و مينفعش ليه ردت نور و قالت له ، عشان اخوك كان جوزي فاهم اللي بقوله كويس اخوك بيتصل بيا كذه مره في اليوم عشان نرجع لبعض قولي اما يعرف أن اخوه سنده الوحيد عايز يتجوز اللي كانت مراته و اللي عايز يرجعها تاني لع**ته رد عليها عمر و قال ، يعني انتي عايزه ايه يا نور عايزه ايه انا هضحي بكل حاجه عشانك عارفه النار اللي في قلبي اللي بتحرقني كل ما اخويا بيتصل و يكلمني عليكي ببقا هموت و اقوله متتكلمش تاني عليها دي بتاعتي انا ببقا مش عارف ل**ني بيتشل خالص عايزه تبعدي عني يا نور ابعدي ابعدي و متورنيش وشك تاني خالص و اللا اقولك انا هسيب الجامعه عشان مشوفكيش خالص لا بصي انا هرجع امريكا و مش هرجع هنا تاني هسيبلك البلد كلها يا نور خلاص يا نور و سابها و مشي

نور مقدرتش تسيب عمر يمشي كده و قامت ندها عليه بصوت عالي ، عمرررر

عمر لف و بصلها لقاها جايه جرى عليه راح جرى عليها ووقفوا قدام بعض

نور بتنهيدات متتاليه ، عمر اا انا اا بحبك اوي كمان

عمر رفع حاجبه و قالها ، ايه اخر كلام ردت و قالت ، امم ب ح ب ك يا عمرى اللي معشتهوش و نفسي أعيشه عمر شالها و قعد يلف بيها و قام منزلها وحس أنه داخ وقع ع الرمل و هي بردك وقعت عشان لف بيها كتير

نور ، انا دوخت خالص ربنا يسامحك يا عمر رد عليها و قال ، انتي عارفه انا نفسي في ايه ردت نور وقالت له ، في ايه

عمر قرب منها و قال لها نامي كده نور بخوف ، في ايه يا عمر انت عايز ايه بالضبط رد عليها و قال ، متخافيش انا عمرى ما هأذيكي نامي كده و راح نايم ع الرمله و باصص للسما و هي نامت جنبه و بصت للسما و قالت ، انت بتبص ع ايه يا حبيبي رد عليها عمر و قال ، زمان و انا صغير كنت أما بلاقي بابا متعصب أو ببقا خايف من حاجه أو مضايق كنت بقعد ابص في السما و اشتكي للنجمه صحبتي و اقولها ع اللي مضايقني و اخرج اللي في قلبي و اقولها تتصرف و تحل المشكله دي عشان قلبي يرتاح و يطمن

نور ، ههههه ده انت طلعت مجنون بجد و دماغك طاقه رد عليها عمر و قال ، هاتي ايدك كده

نور ، اهي عمر مسك أيدها و قالها غمضي عنيكي و اطلبي اي حاجه كده و أما تخلصي قولي خلصت و انا كمان هعمل كده

نور ، عمر انت سخن رد عليها وقال ، اسمعي الكلام بس بس انتي عارفه اخر مره عملت كده أمتي كان عندي عشر سنين و طلعت سطح الفيلا و عملت كده و فجأه الدنيا مطرت عليه و نزلت لامي هدومي غرقانه زعقتلي جامد و بعدها جالي نزله شعبيه حاده بس الامنيه اللي طلبتها و انا صغير يومها اتحققت

نور ، طب كانت ايه الامنيه دي يا دكتور عمر

عمر ، طلبت من ربنا أن بابا معدش يتخانق هو و ماما و فعلا معدوش اتخانقوا بعدها خالص عشان بابا ساب الفيلا و راح اتجوز السكرتيره بتاعته هههههه

نور ، هههههه خربت بيت مامتك جبت من الاخر ياريتك ما دعيت رد عمر عليها و قال ، بالع** ده احسن حاجه حصلت و الله ارتحنا من مشاكله و حتي أما كان يجي ماما كانت بتتجنبه خالص كان عامل في البيت رعب لينا و ليها عالطول قافل علينا ماما كانت تشبه المسجونين ممنوع الخروج ممنوع أهلها ممنوع اي حاجه كانت بتصعب عليه اوي من اللي كان بيعمله معاها كانت جدتي تيجي تشتكي امي لها تقعد تقول لامي استحملي عشان ولادك كانت بتموت حرفيا من الذل اللي كانت بتشوفه كنت اشوف صحابي في المدرسه بيجيبوا صور ليهم و هما بيتفسحوا مع أهلهم كانت بتصعب عليه امي اكتر من نفسي بجد امي اتظلمت جامد مع ابويا و للأسف أما خلصت منه و جت تخرج و تعيش حياتها المرض مسبهاش في حالها لأن سنها كبر اجمل سنين عمرها راحت عشان خاطر كلمه استحملي عشان ولادك و اهي هي اللي اتدمرت في الاخر و هو اتجوز واحده صغيره مدلعاه و عايش كأنه عنده تلاتين سنه مش 65 سنه

نور بصوت مخنوق ، مش ملاحظ اني كنت حاسه بردك نفس احساس مامتك لأن اخوك للاسف نفس صفات والدك بالضبط مفيش اختلاف و تعرف أما كنت حامل منه امي كانت قالتلي نفس كلمه جدتك كلام بيتوارث و المصيبه في كده أن اللي بيحكم عليك بالاعدام المفروض أن انت حته منه

عمر ، نور انا بحبك اوي اقسم بالله نور ردت عليه و قالت ، و انا بموت فيك يا عمر

عمر ، تعالي نغمض عنينا و نطلب من ربنا أنه يجمعنا مع بعض علي خير و ميحرمناش من بعض

نور ، ماشي يا عمر ياللا بينا

عمر ، في سره يارب انت عالم باللي في قلبي يارب متحرمنيش منها و اكتب لنا نعيش العمر كله مع بعض

نور ، في سرها يارب مايحصلش اي تعقيد يارب اكتب لي الخير انت عالم بحالي يارب يارب مش عايزه غير المكتوب اكتبلي الخير من عندك يارب

و فجأة الدنيا مطرت جامد

عمر ،. هههههه اللي كنت خايف منه حصل ردت نور وقالت ، الله انا بحب المطر و قامت و قعدت تلف حوالين نفسها و هي فارده أيدها و مغمضه عينيها

عمر بصلها حس ببراءتها و هي بتلف وراح قايل ، كفايه يا نور هتبردي ياللا نروح يا قلبي ردت و قالت ، عارف طول عمرى نفسي اقف تحت المطره مع حد بحبه رد عمر و قال ، بس كده هنموت بجد ياللا والله هنبرد ردت نور وقالت له ، ماشي ياللا بينا و حطت أيدها في جيبها و جرت هي و عمر و دخلو الكامب

نور ، تصبح على خير انا هطلع انام

عمر ، ماشي يا روحي و انتي من أهلي يارب سلام و راح كل واحد غرفته

رؤى ، نور انتي مالك غرقانه كده ليه

نور ، الدنيا بتمطر جامد عادي و هدومي اتغرقت هو انتي ماسكه فوني ليه حد اتصل بيا ,

بكره بارت جديد انتظروني وياريت اعرف رايكم في التعليقات لانه يهمني جدا جدا جدا و التفاعل ياريت يزيد عن كده بليز ساعدوني روايتي توصل للكل

وقعت في عشق طليقه اخي

البارت الرابع عشر

الكاتبه اميره محمود