15

1137 Words

مامتك عايزاكي غلبت تتصل بيكي سألتني انتي فين قولتلها انك تحت مع البنات تمام بس شكلها متعصبه جامد نور ردت عليها بخوف وقالت ، متعصبه ازاي ليكون بابا حصله حاجه أو يكون في مصيبه هاتي كده أما اكلمها رؤى عطيتها الفون اخدته و اتصلت بمامتها نور ، ايوه يا ماما ازيك ردت عليها امها وقالت لها بصوت حزين ، ليه كده يا نور ده انا وافقت انك تروحي الرحله عشان انا مأمناكي ليه كده انا عملتلك ايه عشان تفضحينا انتي خنتي ثقتي فيكي نور ردت عليها وقالت ، في ايه يا ماما امها ردت و قالت لها ، افتحي الواتس و شوفي الصور اللي جت لابوكي يا نور ابوكي شافهم جاله جالطه و بيموت في المستشفي بسببك فعلا احنا اللي غلطنا أما سيبنالك السايب في السايب نور ردت عليها وقالت ، يا ماما اهدي بس هشوف الصور و اكلمك مش بيفتحوا عشان انا بتكلم فون نها ردت عليها وقالت ، انتي بتتكلمي ببرود كده ليه يا بت انتي انتي اصلا هيبقا ليكي عين تكلميني بعد ما تشوفيهم ده انتي بجحه بكره الصبح القيكي هنا قدامي ازاي معرفش فاهمه وراحت قافله السكه في وش بنتها نور فتحت الواتس اتصدمت لقت صورتها هي و عمر في البحر صوره وهو بيقبلها و صوره ماسك أيدها و نايمين ع الرمل بيبصوا للسما و صوره و هو حضنها رؤى ، في ايه يا نور نور بصت لها بصدمه معرفتش تتكلم لقت نفسها بتجرى ع اوضه عمر و فضلت تخبط جامد نادر فتح الباب ، في ايه يا نور مالك ردت عليه بصوت مخنوق ،. دكتور عمر فين يا دكتور نادر رد عليها وقال لها ، في الحمام بياخد شاور عشان جاي غرقان من المطره اي ده انتي بردك هدومك مبلوله زيه كده ليه نور ردت عليه و قالت ، دكتور نادر لو سمحت خليه يكلمني فورا لو سمحت نادر ، تمام يا نور هدخل اشوفه عمر خرج من الحمام لقا نادر بيقوله أخرج كلم نور بره عايزاك عمر استغرب وخرج يشوف في ايه عمر بقلق ، في ايه يا نور و اي ده انتي لسه مغيرتيش هدومك ليه نور بصتله بغل و قالت ، دكتور عمر يا محترم ايه الصور اللي حضرتك بعتها لأهلي دي عمر باستغراب ، صور ايه انا مبعتش حاجه نور ، اتفضل شوف الصور اهي و اللي باعت الصوره بتهيالي ده رقمك و دي صورتك صح و اللا انا غلطانه عمر مسك الفون و بص للصور و هو مصدوم و لقا الرقم فعلا بتاعه عطاها الفون و قال ، نور انا معرفش حاجه عن الصور دي اقسم بالله نور و عينيها كلها دموع ، انا صدقتك انا اللي غلطانه محترمتش ديني و لا اهلي و لا نفسي انا اللي استاهل ابويا مالوش ذنب في اللي حصل انا ابويا جاله جالطه بسببي انا نسيت انك اخو ايمن اللي كان بينتقم مني من غير سبب ازاي صدقتك ازاي ازاي مفكرتش انك ممكن تكون مريض زيه مريض بالانتقام عمر رد عليها وقال ، يا نور و الله العظيم انا نور قاطعته بصوت عالي و قالت ، بس بقا كفايه حلفان بقا حرام عليك ربنا ينتقم منك انت و اخوك حسبي الله ونعم الوكيل فيك يا عمر انا مش مسمحاك وراحت جرى غرفتها دخلت و غيرت هدومها و قعدت طول الليل تعيط بحرقه على الكدب اللي كانت عايشه فيه و اول ما النهار طلع لمت حاجتها و نزلت الساعه 6 الصبح و راحت ركبت مواصلات و راحت علي بيتها نها فتحت الباب و عينيها كلها دموع و متكلمتش و دخلت و سابت نور علي الباب نور دخلت تجرى علي امها ووطت علي رجلها تبوسها نور ، ماما انا اسفه يا ماما انا اللي غلطانه اض*بيني اعملي فيا اللي عايزه تعمليه ارجوكي يا ماما ردي عليه نها ردت عليها وقالت ، ابوكي اللي مرمي جوه ده مش قادر يقوم من مكانه ده ذنبه ايه يا نور قوليلي ذنبه أنه امنك و انتي خنتي ثقته فيكي يا نور حلال عليكي اللي ايمن كان بيعمله فيكي انتي فعلا مينفعش تخرجي بره باب اوضتك ستر ربنا أن الجالطه لحقناها و ابوكي مامتش نور بعياط هستيري ، انا هدخله و هعتزرله علي اللي عملته و هو هيسامحنا عشان بيحبني ردت عليها امها وقالت لها ، بيحبك اممم الواحد ممكن يسامح في اي حاجه الا كده يا نور الا كده ادخلي اوضتك دي الوقت مش عايزه اشوف وشك خالص بره اوضتك فاهمه و ايمن انا اللي هكلمه يرجعك للسجن اللي كنتي فيه عشان انتي مينفعش تبقي زي البني ادمين لا انتي زي الحي،ونات لازم تتحبسي زيهم ياللا امشي من وشي نور دخلت اوضتها و هي منهاره بسبب كلام امها دخلت و نامت و هي منهاره ((///////////////////// عمر صحا من النوم راح لنور يخبط رؤى فتحت الباب عمر ، ممكن تندهب لنور يا رؤى ردت رؤى عليه و قالت ، ثواني هنده لها اهو رؤى دخلت ملقتش نور في سريرها و بصت لقت حاجتها مش موجوده فتحت الدولاب ملقتش هدوم رؤى خرجت تجرى علي عمر و قالت ، دكتور عمر الحق رؤى مش هنا و اخده كل حاجتها و هدومها شكلها روحت عمر نفخ بضيق و مسك فونه و قعد يتصل بيها نها ، الو ايوه مين عمر ، انا الدكتور المسؤل عن الرحله كنت بسأل عن انسه نور لان احنا مش لقينها نها ، اطمن هي روحت و انا امها رد عمر عليها و قال ، طيب ممكن اكلمها بعد اذنك ردت نها بطريقه كلها عصبيه ، لا مش هتكلمها بعد اذني بقولك ايه ابعد عن بنتي احسنلك بنتي راجعه لجوزها و لحياتها متخربش عليها دنيتها و اتقي الله لو عندك اخت و اللا ام ترضالها كده ابعد عن بنتي احسنلك و الجامعه مش هتروحها تاني خلاص سلام عمر تسمر مكانه من اثر الصدمه من كلام ام نور رؤى بقلق ، خير يا دكتور حضرتك مالك في ايه نور حصلها حاجه يا دكتور رد عمر بصوت مخنوق ، نور هتروح مني يا رؤى انا لو عايز اعرف حد مسك فوني ودخل عليه صور و بعتها لحد من الواتس بتاعي اعرف ازاي متعرفيش يا رؤى ردت عليه رؤى ، بص يا دكتور في برنامج بيتزا كل حاجه هات انزلهولك و حضرتك هتعرف مين اللي عمل كده او علي فكره ممكن يكون الواتس بتاعك هكر محترف سرقه و صور بفونه هو و بعت الصور من عنده وده اعرف كويس اوي مين اللي يعرف يتتبع و يجيبه رد عمر بلهفه ، ياريت تعرفي مين اللي عمل كده ردت رؤى ، لا يا دكتور الهاكر ده في الحسين مش هنا ده جنب بيتنا و مشهور رد عليها و قال ، بتحبي نور صحبتك يا رؤى ردت وقالت ، طبعا يا دكتور دي روحي رد عمر و قالها ، غيري هدومك و حضرى شنطتك و ياللا بينا لازم اعرف مين ابن الك،لب اللي عمل فينا كده بسرعه ياللا يا رؤى ردت رؤى وقالت ، تمام يا دكتور انا هخلص حالا و هنزل لحضرتك رد عمر و قال ، ماشي هستناكي تحت يا رؤى و سابها و نزل بكره بارت جديد انتظروني وياريت اعرف رايكم في التعليقات لانه يهمني جدا جدا جدا و التفاعل ياريت يزيد عن كده بليز ساعدوني روايتي توصل للكل وقعت في عشق طليقه اخي الكاتبه اميره محمود البارت الخامس عشر

Free reading for new users

Scan code to download app

App Store Google Play

Facebookexpand_more