16

1064 Words

هي البنت جت يا نها ردت نها بضيق و قالت ، ايوه جت من الصبح و مرميه في اوضتها جوه رأفت بتنهييده طويلة رد عليها وقال لها ، اندهيلها يا نها عايز اتكلم معاها ردت نها و قالت له ، ماشي يا حبيبي هندهلها بس متحاولش تتعصب عشان غلط عليك العصبيه عشان الحمد لله انا مصدقت انك قومت منها بالسلامه رد و قال لها ، انتي تعرفي عني اني عصبي متجوزك بقالي عشرين سنه عمرى اتعصبت عليكي أو عليها يا نها ردت و قالت له ، انت عمرك ما عملت معايا حاجه وحشه انت اكبر نعمه ربنا عطهالي عارف اول ما وقعت في الأرض انا قسما بالله جالي وجع في قلبي لسه لحد الان ما بيروحش اول مره احس اني مليش حد غيرك يا رأفت كانت وانت في العنايه امبارح ياااه كان يوم تقيل اوي ع قلبي الحمد لله أنه خلص وراح لحاله رد رأفت بابتسامه رقيقه و قال ، للدرجه دي يا نها بجد ده كان الواحد اتمنا يحصله كده من زمان أو يحصله كده كل يوم عشان بس يسمع الكلمتين الحلوين دول ردت نها بغضب و قالت ، الشر بره و بعيد بعد الشر عنك يا حبيبي خلاص هقولك كل يوم كلام حلو عشان محرمكش من حاجه عشان متتمناش حاجه وحشه تاني مفهوم رد و قال ، مفهوم ياللا روحي اندهي للبنت ردت و قالت له ، ماشي يا حبيبي هنده لها اهو و راحت فتحت الباب علي نور تصحيها لقت ورقه جنب نور وهي نايمه مسكتها نها و لسه بتقرأ شافت دم علي الكوفرته اللي نور متغطيابها رمت الورقه و شالت الكوفرته لقت نور مقطعه شرينها و حوالين منها بركه دم فضلت تسرخ بصوت عالي لحد ما قام رأفت علي الغرفه لقا نها حاضنه بنتها و عماله تسرخ بصوت عالي وقع في الأرض من الصدمه ////////////////,////// رؤى و عمر وصلو القاهره و بالتحديد الحسين عند زياد أو زيزو الهاكر بتاع المنطقه رؤى ، دكتور عمر هو ده مكان زيزو اللي بقولك عليه رد عمر وقال لها ، تمام تعالي معايا ندخل سوا رؤى ، بلاش انا يا دكتور عشان بس ميبقاش شكلي وحش وسط المنطقه و كده رد عمر و قال لها ، تمام ماشي متشكر جدا ليكي يا رؤى رؤى ردت و قالت له ، العفو يا دكتور لو عوزت حاجه ده رقمي ابقا كلمني عليه تمام رد عمر وقال ، تمام و اخد الورقه و كتب الرقم ع الموبايل و مشي راح لزيزو عمر دخل جوه لزيزو و حكاله كل حاجه زيزو ،، فعلا للاسف الموبايل ده متراقب و مفتوح من جهاز تاني و مش الواتس بس لا ده كل حاجه في الجهاز ده متراقبه و ثواني و هعرفلك موقع اللي هاكر الموبايل ده حالا و قعد يقلب في اللاب بتاعه ووصله بالموبايل بتاع عمر لحد ما وصل للموقع عمر ، ها وصلت لحاجه رد عليه زيزو وقاله ، اه وصلت للموقع و راح عطاله موقع الشخص و عطاله رقم الفون اللي هاكر الموبايل عمر بصدمه ، انت متأكد من اللي بتقوله ده رد عليه وقاله ، ايوه يا باشا اهو التفاصيل اهي و الشريحه رقمها اهو كل حاجه اهي يا باشا عمر وقف و عنيه كلها شرار وقال ، ليه كده يا ايمن ليه وراح محاسب زيزو و راح ركب تا**ي وراح ع عياده ايمن عمر داخل و مش طايق نفسه و فتح الباب و دخل لايمن الممرضه ، لو سمحت مينفعش كده ايمن ، خلاص أخرجي انتي دي الوقت ده اخويا الممرضه خرجت و قفلت الباب ايمن ، خير يا حبيبي في ايه مالك داخل كده ليه رد عمر عليه و هو ماسك نفسه ،. انت عارف انك كنت اغلي حاجه عندي لحد من عشر دقايق بس خلاص مسحت كل حاجه بينا بأستيكه ايمن بكل برود قال ، ليه بس كده حصل ايه يا عمر عشان تنسا اني اخوك فاهم اخوك و الكبير كمان يا عمر رد عمر عليه و قال ، اخويا الكبير اللي يروح لهاكر يتجسس ع كل بياناتي لا وايه يفضح بنت قدام أهلها رد ايمن و قاله ، انا اتجسست عليك عشان حسيت انك بتلعب بيا يا عمر امك قالتلي انك هتحاول تصلح كل حاجه بيني و بين نور و للأسف صدقتها و بعدين قولت انا اشوف اخويا المحترم هيعمل معاها ايه الاقيه بيقولها بحبك و وحشتيني لمراتي يا عمر مرات اخوك عمر بزعيق قاله ، كانت مراتك فاهم كانت و اترحمت منك و من جبروتك بس بردك الغل اللي فيك هيفضل فيك نور انسانه رقيقه و انا حبيت فيها رقتها مش هتنفع لواحد معقد يكرها في عيشتها يا اخويا يا محترم بس قولي مين اللي صورنا و بعتلك الصور و انت قولت تتتنقم من ابو نور وامها بالصور دي ايمن رد و قاله ، اللي صوركم حد مكنتوش بطيقوه طول الرحله و ماشي يعمل مشاكل معاكم عالطول رد عمر و قاله ،. اممم زى ما توقعت تمام بس اللي عايز اقولهولك حاجه نور أمرها ما هتكون ليك يا ايمن تاني ده علي جستي زمان بعدت عنها عشان خاطرك و قولت لا عشان اخويا عشان ميحصلوش حاجه و لا يتقهر بس و حياه امي مانا متجوزها الا في الڤيلا عشان احرق قلبك يا ايمن زى ما حرقت قلبها رد ايمن وقاله ، بتختار البنت دي عن اخوك نسيتني عشانها يا عمر انت عارف انا مين انا ايمن اخوك الكبير عمر رد و قاله ، الكبير كبير بأخلاقه يا دكتور ايمن عن اذنك اه بالحق قريب جدا هعزمك ع فرحنا انا و نور متنساش تبقا تيجي و سابه و خرج بره المكتب ايمن ، طب ده عرف ازاي باللي حصل عرف ازاي أن موبايله عليه هاكر خلاص معدش ينفع اكمل مراقبه خلاص هشيل رقمه ده خالص من عندي ///////////////// عمر نزل من عند ايمن اتصل برؤى رؤى ، ايوه يا دكتور رد عمر عليها لو سمحتي يا رؤى اتصلي بنور و طمنيني عليها و عرفيها اني مظلوم و هروح لها بكره عشان اطلب أيدها من بباها رؤى ردت و صوتها حزين ، نور انتحرت يا دكتور ايمن و حالتها خطر في المستشفي عمر بصدمه هزت قلبه رد و قال ، انتي بتتكلمي بجد يا رؤى و اللا بتهزرى انتي بتهزرى صح رؤى بدموع ردت و قالت ، للاسف با دكتور مش بهزر فعلا نور في العنايه متركبلها دم عشان قطعت شرينها و فقدت دم كتير عمر رد و قال ، مستشفى ايه رؤى مليته اسم المستشفي عمر ركب تا**ي و راح يطمن عليها في المستشفي و قلبه من شده الخوف دقاته كانت سريعه و كان حاسس أنه سمعها بكره بارت جديد انتظروني وياريت اعرف رايكم في التعليقات لانه يهمني جدا جدا جدا و التفاعل ياريت يزيد عن كده بليز ساعدوني روايتي توصل للكل وقعت في عشق طليقه اخي للكاتبه اميره محمود البارت السادس عشر

Free reading for new users

Scan code to download app

App Store Google Play

Facebookexpand_more