"DOK, kumusta po? Kumusta siya?" aligaga kong tanong sa doktor paglabas niya ng E.R.
"Okay na siya. Mahimbing na siyang natutulog. Sinaksakan na siya ng gamot. Check-up niya kasi noong makalawa, hindi sila nagpunta," malungkot nitong sabi.
Bigla akong nakaramdam ng pagkainis. Itinakas-takas nila si Kevin, check-up lang, hindi madala? Papatayin yata nila, e!
"Nasaan ba ang fiancé niya? Hindi ba ikakasal na ang pasyente? Bakit ikaw ang nagdala sa kaniya rito?"
Kumirot ang puso ko. Deretsyahan namang magtanong ang doktor niyang ito.
"Galing siya sa amin. Dok, unti-unti na siyang nakakaalala. Naaalala na niya yata ako."
"Talaga?" Sumaya ang ekspresyon ng mukha niya.
Tumango ako.
"Kung ganoon ay maganda nga iyang balita. Kaya siguro nagiging matindi ang sakit ng ulo niya dahil nakakaala
