“MOM, ano’ng gagawin ko? Naaalala na ni Kevin ang lahat!” Ibinato ko sa kung saan ang bag ko pagkapasok sa office ni Mama. Nagulat siya at agad na tumayo mula sa pagkakaupo mula sa kaniyang silya. Abala siya sa mga dokumentong kailangan niyang pirmahan.
“What?” Automatikong nagsalubong ang mga kilay niya.
“Ano’ng what? Gumawa ka ng paraan!” Suminghal ako at iniikot ang itim ng mga mata ko. Pinag-krus ko rin ang aking mga braso. Nanginginig pa rin ang laman ko dahil sa nangyari kanina sa hospital.
“Bakit ako? Aba, Fiona? Puro ako na lang yata ang kumikilos?” Tinaasan niya ako ng kilay at nilapitan. “Hindi ba ang sabi ko noon sa iyo ay alamin mo ang gamot upang lumala ang kaniyang karamdaman? Pero ano ang ginawa mo? Inuna mo ang landi at pagpapasarap! Ngayon, bahala ka sa buhay mo! Nahuli
