"Anong ginagawa mo rito?" ang siyang naging tanong ko agad kay Lyndon ng makita ko siyang nakatayo sa harap ng pinto ng bahay ko.
Wala sa hinagap ko na makikita ko siya ngayon at agad na susunod dito sa amin ng anak ko. Oo at nasambit ko sa kanya na pwede naman niyang puntahan at dalawin anak niya ngunit hindi ko akalain na ganun siya kadali na pupunta.
"Mare, uwi muna ako. Balik na lang siguro ako ulit mamaya," singit ni Shielalyn.
Nalilito naman ako kung papayagan ko siyang umalis dahil ibig sabihin ay kami lang ni Lyndon ang maiiwan dahil tulog pa si Andrea. Hindi ko kasi alam kung paano ko patutunguhan talaga ang dati kong asawa kapag kami lang dalawa at wala kaming iba pang kasama. Sobrang awkward talaga.
Wala akong maisip na pwede namin pag-usapan maliban na lang na sa tuwing baw
