Tahimik na ang buong kapaligiran. Maririnig na lang ay ang panaka-nakang tunog ng mga dumaraan na sasakyan sa tapat ng bahay ng mga Dela Vega.
Ang huni ng mga insekto ay sumasabay sa banayad at malamig na simoy ng hangin ng gabi. Wala akong pakialam kahit kagatin at pagpiyestahan pa ako ng mga lamok dito sa kung saan ako nakapwesto. Wala rin naman na akong pakialam kung magkasakit pa ako dahil sa hamog dahil ang gusto ko lang ay makita ang anak ko.
Napagpasiyahan kong lumabas at maupo sa harap mismo ng bahay para madali kong makikita kung uuwi ngayon dito si Lyndon kasama ng aming anak. Dito ko mas pinili na maghintay at salubungin ang aking anak. Gusto ko kasi na makita agad ang mukha ni Andrea kung uuwi na sila ngayon ni Lyndon.
Iniisip ko na lang ang positibo na mangyayari dahil ganu
