"May mga katanungan lang kami, Miss. At sana ay huwag kang magsisinungaling at sumagot ka ng tapat," saad ng isang matabang pulis sa akin.
Narito na ako sa police station at kasalukuyan ng nakaupo habang naghahanda na yata ang kung sinuman na magtatanong sa akin.
Habang pinag-aaralan ko ang paligid ay napansin ko na may dalawang lalaki na nakakulong sa selda na matatagpuan sa isang sulok ng presinto. Parehong hubad-baro ang dalawang lalaki kaya naman kitang-kita ang mga tattoo na nakaburda sa kanilang buong katawan. Mahaba ang kanilang mga buhok at mukhang hindi pa sila naliligo. Mahirap manghusga lalo at kung binabase lang sa itsura na nakikita ng mga makasalanan na mga mata. Ngunit, ang itsura ng dalawang lalaki na nasa loob ng selda ay hawig na hawig kung paano ilarawan ang isang maka
