Wala talaga akong maisip na kahit anong bagay na nilabag ko para magkaroon ngayon ng dalawang alagad ng batas sa harap ng bahay namin at ako ang hinahanap para sa mga katanungan.
"Abby, bakit ang tagal mo naman yata? Ano ba ang kailangan ng mga kausap mo?" mga tanong ni Ate April na hindi ko namalayan na lumabas na rin pala ng bahay at sinundan na ako rito.
"Good morning, Ma'am. Narito po kami para imbitahan si Miss Abby sa presinto para sa mga katanungan. Kung hindi po siya sasama at magmamatigas pa ay mapipilitan na kaming dakpin siya." Ang naging tugon ng pulis na siyang kausap ko kanina pa.
"Anong dakpin? Teka nga lang mga, Sir. Mukhang nagkakamali kayo ng bahay o malamang nagkamali kayo ng tao na hinahanap. Hindi kriminal ang kapatid ko para dakpin at hulihin nyo." Ang agad naman n
