"Mabuti naman at hindi mo na itinuloy ang plano mo na umuwi na lang kayo ulit ni Lyndsay ng probinsiya," ani ate April na tinutulungan na naman akong mag-ayos ng aking mga paninda. Inuwi ko kasi ang mga bago kong order na mga damit para dito sa bahay busisiin ng mabuti kung may mga factory defect at para matingnan na rin kung pwede ko pa itaas ang presyo. Sa palengke kasi ay hindi ako makapag-focus dahil walang tigil ang mga tao sa pagdating. Kadalasan ay mga nagtatanong lang naman at hindi naman bibili. Ang iba naman kasi na mamimili ay wagas makatawad sa presyo ng nais bilhin. Kulang na lang ay hingin na lang nila ang dahil sa sobrang tawad na kanilang ginagawa. Kailangan madiskarte ka pagdating sa presyuhan dahil malulugi kapag hindi ka marunong makipagtawaran sa mga mamimili. Tipong bi
