"Baka naman bumigay ka na ng tuluyan sa mga ginagawa ng dati mong asawa, Abby? Munting paalala lang, dapat mong himayin ng mabuti ang mga kaganapan sa buhay mo ngayon at huwag agad maging mabait at maniwala, Mare."
Alam ko naman kung ano ang ibig sabihin ni Shielalyn. Tulad ng sinabi ko, siya lang kasi ang nakakaalam ng kwento tungkol sa amin ni Lyndon.
Sa araw-araw na kasama namin ni Andrea ang kanyang Daddy ay masasabi kong maligaya ang anak ko dahil nga siguro ngayon lang kami naging kompleto. Sa ilang taon na nakalipas ay sanay si Andrea na ako lang ang kilala niyang magulang kaya ganun na lamang ang saya at ng anak ko sa pagdating ng kanyang Daddy.
"Buong akala ko nga nakapag-patawad na ako ng lubusan. Tipong kahit makaharap ko man ang dati kong asawa at ang babaeng pinalit niya
