"Magaling raw na abogado si Attorney Cortiz, kaya huwag kang mag-alala, Abby." Narinig kong sambit ni Ate Alexis sa akin.
Si attorney Cortiz na kanyang tinutukoy ay ang abogado at ang isa sa dalawang lalaki na kasama niya noong pinuntahan nila ako sa presinto kung saan tinanong ako ng isang pulis tungkol sa naging aksidente ni Crissan may apat na taon na rin ang nakalipas.
"Mukha naman talaga siyang magaling na abogado, ate. Sa dating lang ng kanyang awra ay kakabahan na ang sinuman," wika ko at saka ipinagpatuloy ang pag-aayos ng aking mga paninda na damit. Nag-inventory ako upang malaman kung kumikita ba ako o hindi. Magtitinda na rin ako bukas para makapag pahinga muna si Ate April na ilang araw ng pagod dahil siya lang ang tuma-tao sa tindahan.
Kailangan kong magpatuloy at huwag mag
