"Bili na kayo mga suki! Ano hanap mo, Miss? Crop Top ba? High waist na pantalon, shorts?" mga tanong ko sa isang babaeng mukhang dalaga pa. Tumitingin-tingim kasi siya sa paligid at mukhang naghahanap ng kung ano sa mga damit na nakadisplay sa labas ng mga tindahan.
Ako na naman ang narito sa tindahan at hindi ko na muna pinatulong si Ate April kahit anong pagpilit niyang sumama sa akin.
Kung patuloy akong nagmumukmok sa isang tabi at iisipin ang problema ko ay ako lang din ang talo sa huli dahil napapabayaan ko na ang mga bagay na dapat ay ako ang personal na gumagawa.
At saka, kailangan ko talagang tumutok sa pagtitinda para kumita ng pera. Kailangan kong paghandaan ang kaso laban sa akin kung sakaling matutuloy ito. Mahal ang bayad sa isang magaling na abogado para depensahan at pat
