ياقوت الشيطان

ميمكنش هذشي بابا حبيبي فيق ،عافاك فيق ،متخلينيش ابابا فيق ،لمن غتخليني في هذ دنيا . كان هذا هو صوت صراخ البطلة ديلنا لي كتذوق طعم اليتم لتاني مرة وهي كتشوفهم كيغطيو وجه الأب ديالها أخر مكان تبقى ليها فهذ الدنيا ،قاطعها صوت طبيب وهو كيقول:بنتي البراكة في راسك والله يعوض محبتو صبر.صبري أبنتي أو مديريش هاكة في راسك وطبطب على كتافها وخرج من الغرفة بعدما الممرضين نقلو الجثة إلى مستودع الأموات. بقات البطلة ديلنا كتبكي وكتنخصص ومعالم بيها غير مولاها لي خلقها ،وفجئة تفكرت آخر مقال ليها باباها قبلما يموت : *فلاش باك: الأب عبد الرزاق :ياقوت بنتي سمعي آش غنقوليك مزيان،أنا أبنتي كنحس بالموت قرب مني أو مبقا ليا قد مافات فهذ الدنيا ،قاطعاتو ياقوت: متقولش بحال هكا أبابا راه كتخلعني الله يطول ليا فعمرك ويحفضك ليا دابا تصح وتشافا وترجع تنور حياتي ودارك يانوارة ديل الدار. عبد الرزاق :الموت علينا أبنتي حق وحتى واحد ماخالد فيها ،وأنا كنحس بساعتي قربت ،فماتقاطعينيش أو خلني نكمل ليك كلامي الله يرضي عليك . أنا أبنتي طول عمري حاسبك بنتي لي معطانيش ربي ومومو عينيا ،ماعمرني ماخليتك مخوصة من شي حاجة ،وحاولت نوفر ليك ݣاع هداكشي لي تحتاجيه ،وربي عالم أبنتي أنك إلى طلبتي عينيا نعطيهم ليك .قاطعاتو ياقوت :عارفة أبابا لي كين ،ولاكين علاش كتقول ليا هذشي. عبد الرزاق:سكتي وخليني نكمل ليك ،أنا أبنتي تحطيتي بين إيدي أمانة ،وأنا حفضتك وحميتك من بعد ربي من شر الخلق المحقاد . *ياقوت الشك بدا يدخل لها في دماغها وعينها تغرغرو مبغاش تيق هذشي لي كتسمع فيه وكتمنا من قلبها بلي هذشي لي كتخيلو ميكونش صحيح . عبد الرزاق تابع كلامو بنتي نتي بنت واحد الإنسانة لي مدين ليها بحياتي . ماماك أبنتي نقداتني في مرة من المراة من الموت وهي السباب في أني باقي عيش لدابا. ياقوت ببكاء :يعني اأشنو أبابا باغي تقول بلي نتا ماشي بابا أو ماما الله يرحمها ماشي ماما ،باغي تقول بلي حياتي كلها وأنا عيشة وصط مسرحية ،هذشي كامل لي عشتو معاكم تمثيل . عبد الرزاق :متقولش هكا أبنتي طول حياتي معتابرك بنتي عمرني ممتلت عليك مشاعيري جيهتك ديما كانت صادقة لأنو فعلا عتابرتك بنتي لي هذاتني دنيا . ياقوت :وشكون هما واليديا الحاقيقين ابابا شكون هما . عبد الرزاق :ماماك ابنتي الله يرحمها ماتت وهي كتولد فيك من بعد ما وصاتني وأمناتني عليك . أوباباك أبنتي معارفش واش عندو نتي اصلا . ياقوت:كيفاش بابا معرفش وش عندو أنا . عبد رزاق :جدك أبنتي مكانش راضي على زوج باباك من ماماك حيت ماماك كانت هي مرات باباك الثانية ولي تزوجها باباك بزمن جدك إوى أبنتي من بعد زواج باباك أو ماماك بمدة قصيرة باباك دار حاديثة ولي فقد على إثرها الذاكرة وللأسف مبقاش عاقل على العامين الأخيرة من حياتو ولي كانت ضهرت فيها ماماك ،جدك ستاغل في وقتها الوضع وهدد ماماك باش متعودش تقرب من ولدو ولا غيقتل ليها مامها لي هي جداك ،أو ماماك أبنتي خافت على جداك وبعدت على باباك حتى تهدن الأمور ولكين بعدها مباشرة ماماك عرفت راسها بلي حاملة وللأسف ماماك كانت مريضة قلب مما جعل الحالة ديلها تسوء ومعا ذلك ماماك أبنتي كانت فرحانة بيك وكانت بحالك حتاهي طبيبة دازت فترت الحمل ونهار الولادة ربي بغا ماماك أبنتي ودها عندو ولكين قبلها كانت ماماك حقت أمنيتها بأنها تشدك في حضنها وتبوسك ،غير جبدوك ليها بنتي وحطوك فوق سدرها عنقاتك شمت ريحتك وهزت إيدك باستها وقالت ليك مرحبا بيك أبنتي ياقوت في هذ لحياة وماتت الله يرحمها نتي أبنتي نسخة طبق الأصل عليها في كلشي لافي شكل ولى حتى في سمية ماماك أبنتي سماتك ياقوت على سميتها باش تعيش الحياة لي معاشتهاش هيا وتحقي هذاكشي لي محقاتوش هيا وتعيشي مع باباك كيفما كانت كتمنا . ياقوت ببكاء:باااابااا هذشي كااامل ووقع ووأنا مافي خباري والو . عبد الرزاق: هذا هو المكتوب أبنتي اوباباك معندو حتى دنب بحالو بحالك دنيا ضلمتو كيفما ضلمتك فاش رجعات ليه ذاكرتو وعرف بلي ماماك ماتت كان غيتسطى وشحال وهو داخل في حالة كتآب وأنا أبنتي قلدتني ماماك باش حتى واحد ميعرف بوجودك حتى لوقت لموناسيب ونتي أبنتي قوية بمافيه الكفاية باش تواجهيهم صحيح أنو عمرك صغير ولكين جمعت فيك كل ماهو مطلوب ومن صغرك وأنا كنجهز فيك من أجل هذ اللحظة. اللحظة لي غتواجهي فيها عائلة (الغازي)وجدت ليك ݣاع لوراق لي غتقدري تحتاجيها من هوية ونسب وغيرهم غتلقيهم في الخزنة الرمز السري ديالها ابنتي هو (الغازي)حليها وغتلقي الجواب على ݣاع أسئلتك . غير كمل كلامو شهد وغادرت روحو الطيبة إلى الرفيق الأعلى شيئ لي متقبلتوش البطلة ديلنا لمدى تعلقها بيه زائد أبواب جهنم لي فتح عليها وغادر مخليها وسط دوامة ديل صدمات المتثالية لي غتلاقيها في المستقبل . *باك. بعد مرور سنة ولي خلالها تغيرت شخصية ياقوت من تلك الفتاة المسالمة المحبة للحياة إلى أنثى خبيثة ماكرة جمرة الإنتقام كتشتاعل في جوفها وهي كلها إسرار باش تدمر عائلة (الغازي)خلال هذ سنة وقعو بزاف ديل الأحداث ومن بينهم أنو البطلة ديالنا قدرات دخل لعائلة (الغازي) ولكن ماشي كحفيدة العائلة بل كخادمة القصر لي غتدمرهم كاملين واحد بواحد بستثناء الأب ديالها طبعا .بذكائها قدرات تكسب مكانة عند أفراد العائلة كاملين وبطبيعت الحال هذشي من ضمن خطتها. ولكن ربما للقدر رأي اخر، ربما سينبثق وميض الحب الوهاج ويمحي مارسمه زمان من آلام . فمذا لو إكتشفت بطلتنا أن حبيبها السابق هو نفسه نجل عائلة (الغازي) التي تسعى لدمارها وليس فقط تشابه أسماء كما كانت تضن ... هذا ما سنراه خلال الأحداث القادمة ????? متنساونيش من الكومنترات زوينين بحالكم الأميرات ديال قلبي. قبلاتي لكم???????????