HINDI makatingin ng deretso si Solana kay Angelo dahil sa hiyang nararamdaman para dito. Gusto naman niyang komprontahin si Nicolai dahil sa pagsisinungaling nito sa kanya pero anong aasahan niya dito?
Mas lalong nakaramdam ng hiya si Solana nang makita niya si Angelo na palapit sa kanila. Mabilis naman niyang iniwas ang tingin dito at nanlaki naman ang tingin niya nang mahagip ng tingin niya ang halos magkasalubong na mga kilay ni Nicolai. Dahil naka-focus ang atensiyon niya kung paano niya maiwasan si Angelo ay hindi niya napansin na may matang nakamasid pala sa bawat kilos niya.
At pansin ni Solana ang pag-igting ng mga panga ni Nicolai habang nakatingin ito sa kanya.
Yumuko na lang naman siya para hindi niya makita ang ekspresyon ng mukha nito. Mukhang galit na naman kasi ang lalak
