"SIR Nicolai."
Nagmulat ng mga mata si Nicolai nang marinig niya ang pagtawag ni Angelo sa pangalan niya. At nang mag-angat siya ng tingin ay agad na nagtama ang mga mata nila mula sa rearview mirror.
"Someone is following us again," imporma nito sa kanya.
Hindi naman napigilan ni Nicolai ang mapakunot ng noo sa sinabi nito. Hindi nga din niya napigilan ang sarili na mapatingin sa kanyang likod. At nakita nga niya ang isang itim na kotse na bumubuntot sa kanila.
Inalis naman niya ang tingin sa likod at ibinalik ang tingin kay Angelo. Pagkatapos niyon ay inilahad niya ang kamay sa harap nito.
Hindi naman niya kailangan na magsalita para maintindihan nito kung bakit niya inilahad ang kamay sa harap nito dahil mayamaya ay may kinuha ito sa dashboard ng kotse at saka nito iyon inabot
