INAKALA ni Solana na paparusahan siya ni Nicolai sa ginawa niyang pagtakas dito. Alam niya kasi na mainitin ang ulo nito, alam niyang iyong pasensiya nito ay sobrang nipis. Kaya inaasahan na niyang paparusahan siya nito gaya na lang ng pagpaparusa nito sa tauhan nitong gusto siyang gawan ng masama ng magtangka siyang tumakas.
Hinanda na nga niya ang sarili ng kaladkarin at buhatin na parang sako para ibalik siya sa isang mansion na nasa gitna yata ng kagubatan. Hinanda na niya ang sarili sa parusang matatanggap niya nang ibalik siya nito sa kwarto kung saan siya nito dinala. Humihingi na nga din siya ng kapatawaran sa lahat ng taong nagawan niya ng masama sa kanyang isipan dahil baka hindi na niya iyon magagawa pa. Baka kasi iyon na ang huling gabi ni Solana, baka hindi na siya abutan ng
