“NAGBIBIRO ba kayo? Hindi ito isang laro lang, ha!” bulalas ko nang marinig ang sinabi ni Res.
Pinaplano nila kasi na gawin akong pain para mahuli na si Goyong. Hindi kasama si Zyl sa plano nila dahil hanggang ngayon ay galit pa rin siya sa akin dahil sa nangyari sa kapatid niya. Gusto ko man siyang kausapin ay hindi naman siya nagpapakita sa akin.
Gusto nina Res at Win na lumabas ako sa gabi at maglakad sa kalsada nang mag-isa pero magbabantay sila sa madadaanan ko. Kahit ano’ng isip ang gawin ko ay hindi pa rin ako kumbinsido sa balak nilang gawin.
“Wala na namang paraan, Ayl. Kapag pinabayaan pa siya mas marami pa siyang mabibiktima. Gusto mo bang hindi lang si Mimi o si Sasha ang mabiktima niya? Paano na lang kung pati kapatid mo o di kaya ay ang inaanak mo na si Mac?”
Hindi ma-ab
